يقدم موقع تشالنج دوجز موضوع عن قضاء الحاجة فى الكلاب
جدول احتياج الكلاب لقضاء الحاجة بالسن
الجراوي الصغيرة تحت 3 شهور بتحتاج تعمل حمام تقريبا كل ساعتين
الجراوي من سن 3-4 شهور بتحتاج كل 3 ساعات تقريبا
لما يوصلوا لسن 5-6 شهور بيحتاجوا يقضوا حاجتهم كل 4 ساعات تقريبا
مع الأخذ في الاعتبار أن الاوقات اللي الكلب بيحتاج يروح فيها الحمام بتكون لما يصحى من النوم أو بعد الأكل بحوالي 10-30 دقيقة
طريقة التدريب المثالية هي بالمكافأة ومش بالعقاب أو الزعيق
اهم حاجة لما الجرو يغلط أثناء فترة التدريب بلاش اللجوء للعقاب. بلاش نخلِّي الكلب يربط مابين احتياجاته الفسيولوجية بردود افعال سلبية . لما يغلط خليك هادي وتجاهل الموقف . ولما يعمل حمام في المكان الصح اديله مكافأة . بالطريقة دي هيكون حافز ليه يعمل الحاجة الصح في المكان والوقت الصح
أثناء النوم بالليل
ينصح باستخدام قفص للجرو الصغير أثناء فترة النوم . أظبط المنبه على الاوقات المذكورة فوق لقضاء الحاجة حسب السن . خد كلبك بالخارج في وقت دخول الحمام واديله مكافأة لما يعمل بره . هو مجهود كبير في الأول على صاحب الكلب بس هتكون النتيجة ناجحة لما يكبر
التنظيف
أفضل طريقة ينصح بيها هي التنظيف بالخل لإنه بيقضي تماما على الرائحة. المشكلة في منظفات البيت العادية إنهم مش بيقضوا على الريحة .. هما بس بيغطوها .. مع الاسف الكلب غريزته بتقوله يعمل حمام في المكان اللي يشم فيه ريحة مكان عمل فيه قبل كده . الخل أفضل حاجة للقضاء تماما على الريحة والتنظيف وكمان امن مع وجود حيوانات اليفة واطفال في البيت
جهز ازازة رش فيها نص ماء ونص خل مع قليل من صابون غسيل الاطباق. وخلي الازازة دي قريبة ومتاحة للتنظيف السريع وقت اللزوم
مبدأيا لازم تعرف وتفهم ان كلبك لحد سن 5 شهور مبيقدرش يسيطر علي نفسه ف موضوع الحمام ده يعني لما يتزنق بيعمل حمام ف اي مكان
حاجه كمان لازم تعرف ان الكلب من انظف الكائنات اللي ربنا خلقها و ميحبش ابدا يعيش ف مكان معفن ولا يرضي ابدا يعمل حمام ف المكان اللي بينام فيه الكلام طبعا علي الكلب اللي بيقدر يسيطر علي نفسه ..
اول حاجه المفروض تعرفها هي ان الكلب مش بيعمل حمام غير ف المكان اللي هو بيروح يشمشم فيه ويلاقي ان ريحته وحشه او في كلب تاني عامل حمام ف نفس المكان او مكان جديد الكلب بيعمل فيه وبيسيب ريحته لتحديد مكانه لو ذكر ..
طيب ازاي اعود كلبي يعمل حمام ف المكان اللي انا عايزه ؟
هجاوبك بس مش اجابه مباشره .. هقولك الاول ازاي تعود الكلب انه ميعملش حمام ف اي مكان ف الشقه طب ازاي ؟
بص ياعم الحاج
اول حاجه تثبت مواعيد الاكل يوميا
بعد الاكل ب 10 دقايق تاخد الكلب تخرجه الشارع يعمل فيه حمام ومتطلعش الا لما يعمل
و تكرر الموضوع ده لمده اسبوع
ساعتها الكلب هيتعود مع الوقت انه ميعملش حمام ف مكانه اصلا وهيتعلم يمسك نفسه ويستناك تخرجه يعمل حمام
ساعتها مثلا انا عايز الكلب يعمل حمام ف الحمام صح ؟
هاخد الكلب و احبسه ف الحمام لمده نص ساعه ومخرجهوش الا لما يعمل وادخل عليه لما يعمل و اطبطب عليه و اكافأه باي حاجه
ده ف حاله الكلب الطبيعي اللي بيتعلم ..
في حالات تانيه كلاب بتعمل ف مكان معين ف الشقه وانا مش عايزه يعمل فيها اعمل ايه ؟
هتمسح المكان كويس اوي بكلور وبعدها ترش خل ف المكان ده الخل من الحاجات المنفره جدا للكلب ..هيخليه يبطل يعمل فالمكان ده ..
طيب مش عايز يعمل ف الحمام ممكن يعمل ف اي حته الا الحمام !!
ده اللي تقدر تعمله معاه ايه ؟ لما يعمل حمام تشيل الحمام بتاعه و تحطه ف الحمام و تحبسه معاه لمده ربع ساعه و تشممهوله
و متشيلش الحمام اللي عمله من ارض الحمام
و ترش ف الشقه ف الاركان خل و فلفل اسود ..
الخل هيخلي الكلب ميقدرش يعمل ف الاماكن دي
و الفلفل الاسود هيلغي حاسه الشم عند الكلب لمده لا تقل عن 10 دقايق وبيعتمد علي النظر يعني بيدور بعينه علي مكان ولما يلاقي البراز القديم موجود هيروح يعمل جنبه
مساعدات تانيه .. في اسبراي بيتباع ف محلات الحيوانات "الحقيقه انا مجربتهوش" بيترش ف المكان اللي انت عايز الكلب يعمل فيه بيجذبه
ممكن تحط ورق جرايد متقطع ف المكان اللي انت عايزه يعمل فيه هيعمل فيه
لما تلاقي كلبك بيعمل حمام ف اي مكان انت مش عايزه زعقله بسرعه واحبسه ف الحمام متستناش لما يخلص حمام و تزعقله
هتعرف ازاي ان الكلب عايز يعمل حمام ؟؟
هتلاقي الكلب بيشمشم و يلف حوالين نفسه كتير .
تعليقات: 0
إرسال تعليق